FA’AMATALAGA O UIGA LOULOUĀ O LE TAU NUMERA SEFULU FA (14) – TAAVILIGA O MATAGI MALOLOSI 09F.
FA’AMAUINA E LE OFISA O LE VA’AI-TAU I LE ITULA E 5:00 I LE AFIAFI NEI
ASO TOFI 20 FEPUARI 2020
...LAPATA'IGA MO SAVILI MALOLOSI MO SAMOA ATOA...
…LAPATA’IGA MO TIMUGA MAMAFA MO SAMOA…
…O LAPATAIGA MO LOLOGA I VAITAFE MA NOFOAGA E A’AFIA GOFIE…
… FAUTUAGA MO LOLOGA I NOFOAGA TU MATAFAGA ONA O GALU FAFATI MAUALULUGA…
…FAUTUAGA MO PAOPAO MA ALIA FAGOTA LAITI O LO’O FA’AMALOSIA PEA MO OGASAMI UMA O SAMOA…
O peau mama o le Ea sa iai lea i matu i sisifo o Wallis ma Futuna ua avea nei ma Taaviliga o Matagi Malolosi 09F ma sa iai lea e tusa ma le 203km i sisifo matu i sisifo o Asau poo le 299km i sisifo matu i sisifo o Apia. O lenei taaviliga o matagi malolosi o loo faatupulaia lona malosi ma o loo agai nei i sasae saute i sasae ile saoasaoa e 25 kilomita ile itula. O matagi e latalata ile ogatotonu o lenei taaviliga e oo atu ile 55kilomita ile itula ma e to faata’uta’u i nisi o taimi. E ono atu le malolosi o Matagi ile malolosi o Matagi Afa vaega muamua (1) ile po a nanei agai ile Aso a Taeao. O le a aafia le Atunuu i matagi malolosi faapea le mamafa o timuga ile afiafi nei agai atu ile Aso a Taeao.
O lenei Taaviliga o matagi malolosi e feololo se avanoa e avea ai ma Afa ile isi 24-48 itula o lumana’i.
O le Ta’aviliga o Vaivai o Matagi 07F o lo’o aga’i pea i Saute i Sasa’e ma e le toe iai se a’afiaga mo Samoa.
A’afiaga mo le Atunu’u:
E mamafa timuga ma e puaoa, e malolosi ma fa’ata’uta’u savili ma e ono felelei solo meafaitino, e mase’ese’e ma puaoa auala i nofoaga maualuluga, e malolosi le tatafe o vaitafe ma e ono iai ele'ele solo, e lolovaia nofoaga i tafāala ma vaega e a’afia gofie fa’apea alavai. E a’ave ma tatafe au ma sousou fo’i le sami. E pau’u ma gaui la’au e ma’aleale.
(O le isi fa’amatalaga o uīga loulouā o le tau o le a tu’uina ātu i le 5:00 i le taeao a taeao)
*********************************
SEVERE WEATHER INFORMATION NUMBER FOURTEEN (14) – TROPICAL DEPRESSION 09F
ISSUED BY THE SAMOA METEOROLOGY DIVISION AT 5:00PM
THURSDAY 20th FEBRUARY 2020
…WIND WARNING FOR ALL OF SAMOA…
… HEAVY RAIN WARNING FOR SAMOA…
…FLOOD WARNING FOR ALL MAJOR RIVERS AND VULNERABLE AREAS…
…COASTAL FLOOD ADVISORY REMAINS IN EFFECT FOR SAMOA…..
…SMALL CRAFT ADVISORY REMAINS IN EFFECT FOR ALL COASTAL WATERS…
The developing low pressure system to the west of Wallis and Futuna is now upgraded to Tropical Depression 09F and was located about 203km west northwest from Asau or 299km west northwest of Apia at 2.00 pm this afternoon. This system is gradually intensifying and moving east southeast towards Samoa at 25kph. Winds close to the centre is expected to reach 55kph with higher gusts and may likely to reach Tropical Cyclone Category 1 wind strength tonight towards tomorrow. Heavy rain will again revisit the Samoan islands starting this evening into tomorrow.
The potential for this system to develop into a Tropical Cyclone in the next 24-48hrs is moderate.
Tropical Disturbance 07F now lies further Southeast and no longer pose any threat to Samoa.
Potential Impacts:
Heavy downpours with poor visibility, strong and gusty winds with flying objects, foggy and slippery roads over mountain passes and ranges, strong river outflow and landslides, pooling near roadsides and waterways. Strong currents as well as rough seas and coastal inundation. Uproot breakable trees.
(The next severe weather information will be issued at 5:00am )